返屋企成家人同姐夫過聖誔, 順便做埋節, 因為之前唔得閒做, 食咗LING LING 之前幫我買既小肥羊湯包, 正正正, 不過味精重咗D, 雖然抱住個肚返去, 但仍然食咗好多嘢..........D 人話過肥年, 我就過肥聖誔...唉........ 呀爹買咗斤蝦, 好生猛, 買返嚟仲跳吓跳吓, 所以好鮮甜, 但好平 $24/斤, 超抵....
大家姐無啦啦整嘢食, 整咗D紅豆糕返嚟食, 平時甚少落廚既佢, 無啦啦整甜品, 搞到我同玉泉好驚,
但實在太飽, 雖然姐夫極力推介, 但真係食唔落............第二朝食咗, 評價係......好健康......唔知我家姐用邊個譜呢......
今日收到大島send嚟既 聖誔card, 好得意ar...... 真有心ar..年年都send 嚟.......
聖誔節又去咗返PT, 第一次埋機, 好在有個長幫係隔幫手咋..初初滕晒雞, 後尾就定D, 琴日朝早仍然係到hea, hea到2-3 點開始有人嚟, 冇停過手, 好似話搞P 喎, 最後仲搞到遲半個鐘收工, 到最緊張數銀頭, 好在冇出入即...........
My Xanga
4 則留言:
加油呀葵葵!!
我相信你如果一直咁返呢份PT, 你1定會變得大膽啲同有自信一啲架!!
你要加油呀!!
太感動,太開心ar......
每次你講一班人一齊,甚
至同屋企人一齊做節,都
另到我好感觸,諗好多嘢
!!完全可以幻想到你當時
在這種環境帶比你既歡樂
.你哋成家人時時都可以咁
開心,真係好另人羨慕,一家
人可以齊齊整整真係難能可
貴,我諗你都會好好珍惜既^_^
點解你成日話,呢樣又怕肥,
果樣又怕肥?其實食嘢好開心
嫁,有時唔理後果放縱一下,
成個人都好似放鬆左敢嫁......
其實肥又怕咩呢,有d人一瘦
就唔好睇嫁啦,都係內在美緊要d...
估唔到你份兼職都有d嘢學喎,
唔係得個hea字.要是你既決定,
你就繼續堅持,努力呀~~~~~~~
都好豐富和~~
攪到我又想打邊邊添
毛毛:多謝晒......我會努力...
朋友仔:有咩感觸ar..講d嚟聽吓...
同朋友同埋屋企人一齊係好開心嫁.....
唔使羡慕..每個人都得既..包括你都得嫁,
其實我都係講吓...食嘢係好開心嫁....雖然成日話肥, 但美食當前...一定忍唔到口呢....朋友仔你究竟係邊個..???
小儀:我哋又組團北上..yummy....
發佈留言