boxing day.............

呢排好懶ar....唔知係咪攰呢......幾日先打一次blog......隻mero就嚟餓死.....
26號朝早同d屋企人一齊出鑽石山恒昌傾傢俬嘢....
其實之前佢哋同大家姐去傾過, 我早2日唔得閒冇去到, 我係去睇吓我間房所點整咋.....
同埋諗住之前諗住去其它傢俬舖訂既傢俬..去埋恒昌訂...
諗住個價會平d d.....
我哋會訂....

1個地櫃
2個大既落地櫃(放鞋同雜物)
1張半真皮sofa
1張雲石枱連4張餐櫈
3張牀 (2張油壓)
1個衣櫃
2張書枱
全屋共43尺傢俬....共4萬7...


全部度身訂做.....
但好似好貴咁.....
後尾玉泉介紹個專做木既c 傅嚟, 佢話全部用木皮包, 全部係6分格板, 每尺$1300,
佢話出面做好貴嫁......後尾問返恒昌就話櫃桶同背部用3分纖維板, 其它就安情況, 唔同位置會用唔同既木, 4分至寸半都有.....同埋佢就包紙皮, 如果用木皮包要貴30%, 用格板就貴15%.....究竟用邊間好.....

跟住約咗美雪佢哋去綺文屋企開大食會.......好耐冇去lu...我竟然唔記得美雪驚狗, 搞到佢成晚食唔安座唔落添.......成日掛住玩, 醒唔起d咁重要既嘢..唉.....

今次美雪個bf 都有出席, 冇計la...美雪返學咁辛苦, 見面少咗, 要爭取每次見面既機會ar....
我哋今次買嘢上綺文屋企整嘢食..
今次整咗......
蟹柳火腿伴冷麵, 雜菜南瓜湯, 香脆煎餃子, 新鮮雜果沙律, 香滑百褔石腐花...........(我竟然忘記咗綺文指定既菠蘿腸仔.....==下次補返ar..)


呢幾樣嘢整咗2個幾鐘...........雖然睇落好簡單, 但要整得好味一d都唔易嫁......
我哋呢d雞手鴨腳, 搞到黃媽媽睇唔過眼, 要落手幫吓手...........
致於味道, 還可以啦.........
原來嗰日綺文, grace同美雪bf 都唔舒服, 唔可以食生冷嘢, 但我哋差唔多樣樣都係生冷嘢,
搞到佢哋唔食得, 下次都係問清楚有冇人要戒口la....

除咗食, mandy 仲買咗禮物送比我哋, 我嗰隻唔知係咪芝娃娃呢.....好得意ar...



跟住我哋打咗幾圈,第一次同佢哋打, 原來佢哋好熟手, 我同grace 就生生地, 我就食咗幾舖, 有d唔夠喉, 下次要約早d打耐d先得...........haha

兼職嗰邊會轉返平日同夜班, 唔知會點呢............