今日返工發生咗d估都估唔到既嘢....就係水浸呀, 事由唔係打風落雨,而係殘廁個水喉冇關到.......d 水滲晒入嚟....黃小姐個位成為重災區, AIKO同小儀個位都中咗招........辦工室水浸都係第一次聽咋, 就係咁搞咗大半朝.... 各位好耐都冇做運動呀!!仲有, 我同小儀發現咗好奇怪既嘢, 就係d 水滲出嚟點解殘廁出面嗰2個單位冇事,反我哋個單位濕得咁鬼勁既, 唔通棟嘢斜咗........???
今日食lunch照舊捉波指棋, 呢盤棋真係好有感觸, 雖然最後都入晒去, 但有d嘢慢咗少少, 要行返好多路先去到嫁.....我都係要學吓當機立斷先得..........
不經不覺呀爹出咗院都差唔多3個月啦, 見佢行得走得諗住好放心添, 點之今日收工見到d唔應該見到既嘢..就係見到有架單車拍咗係門口, .... 唉.........我即刻同佢講『你唔怕比人鬧呀!!!!!!』, 佢拿拿聲楂走架車, 收返係後樓梯, 總之唔提佢等佢比人鬧, 跟住打比家姐報串, 佢話唔理得咁多, 咁又係咁大個人應該有分數, 提咗佢等我耳根清靜吓都好...... 不過出咗院得3個月, 醫生話半年先痊癒, 真令人擔心......
小葵葵空間
My Xanga
2 則留言:
哈哈..好趣緻喎你哋2隻嘢!! 咁都比你哋發現到..比你哋笑死!
係呀葵葵..當針無2頭利既時候..喺為別人諗之餘, 都要諗下自己有無本事去為人設想呀..有時啲嘢, 差少少就係差少少架喇..我今日可以WIN到舖棋, 都係你同VICKY既功勞..係你哋造就咗我..但WINNER只有1個, 我WIN既同時, 你哋2個1定係輸家..UN唔UN呀葵葵..我唔係教你自私或者唔好理人感受, 只係有啲情況, 你咁大個囡, 要識分輕重架..當然, 波子棋呢家嘢, 就我多啲就梗係無妨啦...哈哈..仲有! 係波子棋, 唔係波「指」棋呀!
你幾時學識「報串」呢間絕技架?! 你喺屋企用好喇..唔好將呢啲嘢帶返公司呀..殺你滅口架我!!!
自己鍾意點就點啦~~
自己開心就得嫁喇~~
發佈留言