轉變?

今日有個量子既同學仔打嚟, 話好多同學都參加第二階段既課程, 搞到都心郁郁添........
不過冇錢冇時間, 雖然都有d想去, 但都係唔好啦.....

跟住我家姐打嚟叫我唔好參加, 佢話呢個course係可以達到課程目的,但會好偏激, 一定要跟住佢既思維諗嘢, 雖然佢既諗法係正確, 但要強硬跟住佢既想法去諗嘢好唔健康....同埋我呢d咁容易信人講嘢, 一定會信到十足十, 跟足晒冇晒自已既思維, 24號去畢業禯,我家姐叫我唔好去, 佢話我一定比人氹去報, 不過應承咗人一定要參加, 佢仲要我答應佢唔可以報先收線, 放心我實唔會報, 鬼叫我得2個家姐咩, 不過上完佢嗰幾堂, 應用返係生活中,唔好話人哋,自已都唔係好慣, 雖然某d缺點係改咗, 但好似之前既生活開心d咁,同埋好似冇咗d嘢咁....
我家姐仲話早幾年新聞透視講過吓呢d 課程既問題,可惜搵極都搵唔到.....