軍訓第二天....

今日過得好開心, 由朝到晚都笑餐飽, 中午食咗個喜極而泣既午餐, 跟住下午同b小姐同m小姐去咗個網睇相, 真係勁搞笑, 睇到m小姐把咀笑到冇停..放工之後去返學繼續笑.....

今日返學竟然遲咗幾分鐘, 一上到去見遲到己經有不祥的預感, 好在呀sir 冇當場鬧人, 真係嚇死, 今日既氣氛明顯比昨天好, 因為今日已經唔係再講苛刻既規條, 而係一個又一個既道理, 同好多好多個好搞笑既例子, 佢講d 例子講到七情上面, 個個都放底晒d "必須臉" 今日一去, sunny 晒佢既威水史, 佢話自已開班位位5千8, 仲有返大陸開班, d 同學仔來自五湖四海, 好巴秘咁......佢嚟香港教, 仲收咁平係因為見到d 香港人冇進步,唔積極, 真係委屈晒, 佢話如果香港人繼續咁落去, 香港係不久既將來會比中國超越, 不過聽完佢講完, 我諗我都唔會有咩轉變, 我係一個安穩既人, 我亦都冇能力為香港創造更好既未來....
今日sunny 既話題係
1. 你的信念錯或對?
sunny 話一個人既信念係1-10歲所建立, 母親係呢段時間要好好教導
2. 必須做既嘢是否真必須還是選擇?
3.受害者vs負責任