[08.07.07-12.07.07]泰國之旅第五天

[12.07.07]泰國之旅第五天

今日最後一日, 8點半食完早餐就出發, 我哋第一站先去海味街買手信, 呢到有好多手信, 你諗到既嘢食都可以係呢到買到, 而且價錢平, 值得推介, 呀信都唔錯呀, 等最後一日先安排去呢到, 等我哋唔使抽住d 嘢週圍走, 不過之前已經掃咗好多嘢, 係呢到見到啱食先掃..咁又掃咗2包.....嘻

跟住就係芭堤雅搭車返曼谷, 搭車途中第一次感受到泰國塞車既情況, 泰國塞車一d都唔簡單, 架車可以塞足半個鐘, 仲係架車郁都唔郁, 呀信話泰國曼谷塞車好平常, 佢話閒閒地都塞1-2個鐘, 平日1-6都會塞, 係星期日先唔會塞.......今日塞咗半個鐘, 咪好好彩囉....

去到曼谷就係自由活動時間, 我哋join 咗leslie 推介既自助午餐, 呢個午餐既特別之處就係係曼谷最高既酒店"baiyoke sky hotel" 享用, 樓高88層, 餐廳位於76樓, 係間餐廳到可以望晒成個曼谷, 同埋佢對呢間嘢既食物有贊冇彈, 佢咁hard sell 之下, 我哋就join 咗...



可能去咗咁多日, 除咗早餐穩定d之外(難食極都有限), 冇嘜邊餐落得吓肚, 同埋佢贊到d嘢食好正, 對呢餐充滿期望, 食落又唔係佢講到咁正, 不過你會食得好放心.....因為d嘢真係好乾淨.......終於係呢到飲咗一個真真正正地道既冬陰公!!!!! 食飽飽去咗84樓既露天觀景區望風景, 真係可以望晒成個曼谷, 不過唔知邊到打邊到, 如果有個導遊係隔離解釋吓就更加好la.......今日比呀信點咗, 其實可能係佢順口開河, 我又當咗真, 真係勁魚呀........唉.......搞到有d 遺憾..........

睇完風景之後, 落返旅遊巴, 準備去機場, 發現原來呢到附近都幾多商場, 如果有下次可以唔join去行街街.......3點幾去到機場, 之後用埋我最後既150珠, 5點幾就上咗機...呢架機直播飛機前面既嘢, 第一次搭架飛機可以全程望住出面嗰環景, 好得意呀....返到香港9點9...我哋以高速離開機場, 但搞搞吓都成個鐘先走到, 返到屯門都12點lu....聽日仲要返工......但好多嘢都未執...嗚........

是日早餐: 酒店自助早餐
是日午餐: 自助午餐
是日晚餐: 飛機餐, 6粒冷飯+2塊冷雞扒

今次第一次去泰國既感受, 之前上網check天氣, 話日日都落雨, 去到之後除咗第一日夜晚落大雨之外, 都冇落, 所以都幾開心......

泰國比我想像中唔係太落後, 最基本既嘢都有, 但仍然有好多問題存在, 例如, 衛生, 泰國真係好dirty....雖然見到好多地道既小食, 但你唔會敢食, 佢哋既小販檔永遠都係馬路旁, 水果好多時都切定係到賣, 烏英無處不在, 另外, 佢似終係一個發展中既國家, 好多嘢都未完善, 例如, 佢有地鐵, 但我去咗幾日都未見過地鐵站, 可想而之幾方便呢, 仲有佢d機動遊戲, 見到都心驚驚, 一條魔術貼黐住就玩得, 諗起都驚.....所以好多嘢都唔敢玩...泰國人好現實, 用錢可以解決到好多問題, 如除地拋垃圾, 罰比政府 2千珠, 你直接比捉你嗰個人就500珠, 仲有, 比tips 係指定動作, 唔比唔得, check in check out 擺行禮既小費, 比人揼既小費都係必比...仲有, 佢哋會不停咁影相做生意, 由一落車開始, 已經有人不停同你影相, 影完會賣返比你做生意, 初初影都會買吓, 但到你買多2張時, 覺得有d 被屈, 同埋發覺佢哋無啦啦都會幫你影既時候, 就唔想要, 唔通佢哋以為我哋冇相機...=.=
不過, 泰國人好尊崇自己既宗教, 到處都可以見到佢哋既神像, 佢哋亦好尊重佢哋既皇帝, 到處都可以見到佢哋皇帝既相, 不論大商場或小村落都見到......仲有, 佢哋為咗紀念皇帝登位60年, 每逢星期一都會著黃色衫, 見到都唔少人著, 原來泰國人係一個好團結既國家........泰國人亦好尊重自己國家既文化, 雖然發展中, 但有好多有特色既嘢都有保留, 充滿文化氣色........
泰國真係一個適合旅遊既地方, 有機會真係值得再去一去......