今日去珊湖島, 很期侍的陽光與海灘, 但一朝早發生咗一件事, 搞到好down........就係呀親戚嚟探我, 點解要揀今日呢......搞到食早餐都冇嘜心機添, 食完早餐, 我哋就落樓下個沙灘行出海中間搭快艇出珊湖島, 去珊湖島途中, 可以玩第一個水上活動, 就係降落散, 因為我同mandy傾好咗唔會玩水上活動, 所以最後都冇玩, 齋睇人哋玩, d工作人員好快手, 1個人落地唔夠10秒, 另一個己經升咗上去, 勁呀......d團友玩完之後, 我哋繼續去珊湖島......
到咗珊湖島之後, 一落水, 水清沙幼, 心情返晒嚟, 正......
呀信介紹咗幾個上水活動, 包括香蕉船, 水上電單車, 海底漫遊, 海底棉羊仔 等......都好似幾好玩咁, 不過話咗唔玩就唔玩, 其它團友就去玩水上活動, 我哋就週圍影吓相, 買吓嘢, 我買咗2隻扼, 由220珠講到140珠, 勁呀...減咗好多....佢話925純銀唔知真定假呢.....我同mandy 影咗幾張水著, d 相未睇..唔知影成點呢, mandy就好可以落水, 我就係沙灘乾煎..嗚....
話咁快..食完飯又要同珊湖島講byebye...真係唔捨得........如果下次再去泰國而d水上活動又安全d,我哋一定會玩......
返去酒店休息一陣又出發, 先去飲蜜糖水, 跟住就去比人揼同比人"扎", 蜜糖水呢個"必"到地方係行程冇寫既, 無啦啦多咗個行程, 唔知係咪因為我哋早機去晚機返, 大把時間, 帶我哋去買吓嘢, 定係佢哋唔夠額呢..咁又係我同d團友都冇嘜買嘢.....
飲完蜜糖水, 跟住就去比人揼同比一"扎", 泰式古法按摩第一次, 感覺一般, 可能我d 骨冇嘜嘢, 所以d骨都冇嘜"啪"到, 就係咁係半睡半醒既狀態比人揼咗2個鐘, mandy 話好掂, 揼完d骨鬆晒, 佢話由頭到腳差唔多都"啪"晒, 佢一定返工好辛苦la........
飲完蜜糖水, 跟住就去比人揼同比一"扎", 泰式古法按摩第一次, 感覺一般, 可能我d 骨冇嘜嘢, 所以d骨都冇嘜"啪"到, 就係咁係半睡半醒既狀態比人揼咗2個鐘, mandy 話好掂, 揼完d骨鬆晒, 佢話由頭到腳差唔多都"啪"晒, 佢一定返工好辛苦la........
之後去食晚餐, 食完又係自由活動時間, 去咗mike買嘢, 呀信話mike 有converse 賣諗住去買, 點之同香港既價錢差唔多, 最後都冇買.........之後攞晒d錢嚟買嘢食.....買咗成800珠, 真係財散人安樂...唉.....不過發現咗間買手信唔錯既舖頭, "王進財"佢d 款色幾多, 如果買得多仲有折添, 唔錯呀.....
今日終於買咗生果食, 我哋買咗西柚返酒店食, 因為呀leslie同呀信叫我哋唔好掃街, 搞到我哋咩都唔敢食, 生果好似安全d, 點之曼谷d 生果超方便, 切開晒仲搵d冰冰住嚟賣, 所以都唔敢食, 嚟到芭堤雅先搵到d生果舖, 終於買到生果, 可惜個西柚唔係好甜, 想買榴槤但唔帶得返酒店........
跟住係街邊見到個人用肥皂雕花, 超靚....買咗個, 我勁鍾意, 不過買嚟送比人......
返到酒店執嘢, 準備聽日返香港.....咁快就到尾二嗰日...真係唔捨得....
是日早餐: 酒店自助早餐
是日午餐: 珊湖島內餐廳 w/ 螞蟻
是日晚餐: 中 / 泰菜
My Xanga
4 則留言:
聽講啲水上活動好鬼死好反架喎, 你去到乾煎, 咁咪蝕晒?!
(不過嗰度啲人咁咸濕, 反唔反都罷, 如果唔係分分鐘仲蝕!!)
個番梘花好靚呀 , 我好鍾意呀 , 下次有人去泰國我會要呢d手信 , 未見過喎 , 係邊到架?
去左泰國唔玩下ｄ水上活動
又好似好晒咁和～～
不過咁岩你又唔方便口者
下次再玩過喇～
個番梘花好熟口面和～～
唔知係邊到見過呢～
毛毛:係..你咁索一定蝕晒...如果下次去,佢又安全d我會玩嫁..
salala: 我係芭堤雅買嫁, 我淨係記得酒店後面有間7仔, 7仔隔離有間魚蛋粉, 魚蛋粉隔離就係呢間嘢....或者係"王進財"再行前小小就見到..
小儀: 係咪你屋企有一朶呀..??
發佈留言