花展2009

一年一日既花展又到啦~~~
早兩日仲落雨, 今日勁好天...太好啦....
今年揀咗第三日去....因為上年最後嗰幾日先去...
搞到D花都變咗殘花.....
不過今年真係幾多人....
個鬰金香海...爭D迫都迫唔入...
今年同行既...仲有三個靚MODEL...

左起,大B,DOLLCENA, 細B...
全部都係玉泉心愛既公仔...
玉泉腹大便便...今年我代佢影返輯靚相啦...
唔知玉泉見到我週圍放佢3個愛女...唔知有咩反應...> < 影咗幾年...雖然D花都差唔多... 但今年特別開心...唔知係咪B女都有去呢.... 大B真係好受歡迎呀...一出嚟..個個爭住同佢影...... 不過佢真係好得意.... 搞到我都想買返隻...不過太貴lu... 今年三點先去...唔覺唔覺..影到7點幾... 下次都係早d啦...
影完花花...買咗盆蘭花..$20咋, 仲買二送一添..好抵呀..
返到屋企...呀爹話少咗一朶喎...呀爹真係好眼呀~