SAA人狗同樂百萬行 & 牛頭角下村美食之旅

琴日SAA搞人狗百萬行.....

今次好似第6屆搞啦.....

但我就第一次嚟幫手.....

SAA 有親活動我都拉埋毛毛去.....

今次都唔例外...

佢上次放完飛機後...琴日帶病出席, 成日用咗十幾包紙巾添....

搞到有D 唔好意思...

但琴日真係好開心....見到好多好多狗狗....

佢哋話今次係最多人參加.....真係慶幸可以過嚟幫手同玩....

見得最多就係哥基.....跟住就係金毛...

琴日見D 狗狗真係好大隻..比平時見嗰D仲大...

仲有見到D 好少見既狗...例如呢隻叫"韋比特"...真係第一次見..

真係大開眼戒....

仲有..見返之前比好心人領養既狗仔 - 詩詩..

你好堅強呀......

仲比我見返上次有參加運動會15歲既金毛狗.....

除咗睇狗狗...佢哋D 衫仔都好靚..

毛毛都話冇見d狗仔撞衫....

犀利..

行百萬真係要打醒十二分精神....

因為初段嗰時..滿地黃金........仲成地都係尿尿....

一個唔覺意隨時中招.......

難得有得出嚟玩..呢d都係狗之常情即.....

但好奇怪既係..搭車途中..竟然冇狗狗係車到...umum...

我哋去做義工..送咗份禮物比我哋....

行完百萬行....去咗牛頭角下村

因為佢就嚟清柝重建..毛毛又勁贊d嘢好食....所以特登落去食吓嘢.....

行完百萬行毛毛拗咗柴.....但我煩咗佢好耐..

佢照帶我哋去...

我哋食咗

炭燒雞蛋仔2底

格餅1底各$10

比起出面嗰d 雞蛋仔呢檔冇咁脆....

但佢粒粒都帳卜卜...同埋好香蛋味.....

琴日收到個好消息就係佢會搬...但地點就遲d 先知......

林泰--游水粥 1碗$16

牛肉腸粉$10

油炸鬼1條 $5

呢間嘢唔係好出名..但見佢咁多人白撞吓入去食...十幾蚊有碗生滾粥...抵呀

同埋佢個油條..我哋佢啱啱炸緊...上碟好新鮮...好好食...腸粉皮厚咗d..但好滑嫁...

興記 -- 沙爹褔仔常餐$24

西多士$17

食唔到佢個豬扒包....拆之前唔知仲有冇機會去呢...同埋佢會搬去邊呢..

源發 --淨蝴蝶腩$32

蔡瀾都贊呢間嘢.....真係好似牛肉....好淋好入味..連痴牙都似埋....但佢係豬肉嚟嫁......

文記 --煎釀三寶$10/6件

毛毛話呢既d 貨去得好快...所以熱辣辣

呢間嘢又大件d..又好食d...同埋有釀芋頭豆腐..出面冇嫁....

我哋係2個鐘內食晒以上既嘢(毛毛同行)....好犀利呀...食到我哋好滿足.....

牛頭角下村d嘢食真係又平又好味...雖然好多間都搵到舖位繼續做...

但如果要一次過再食咁多樣嘢..真係好難lu....