聖誕節由細個開始就覺得係一個歡欣既節日....
就算幾忙..幾攰一定要出一出去...感受吓節日既氣氛.......
一如以往...今年又整咗d 小禮物......
今次整咗唧花曲奇..
第一次整........好緊張..好驚失敗...
初初真係掌握唔到..後尾唧得靚d...
因為數量唔夠..有d唔靚仔都流出咗去..haha...
最靚仔一刻..未焗前......
整 咗3隻味..原味,咖啡同 綠茶
今次呢個譜係玉泉同事比..
Jenny's cookies食譜
原味
牛油 224g
糖霜 84g
高根粉 184g
鷹粟粉 90g
蛋 1隻
雲呢嗱香油 小許
如加奶粉會香啲 約5-8g
如加coffe 5-7g用熱水溶
之後加高根粉20g
1. 牛油加糖拌勻
2. 再加蛋同咖啡粉
3. 再加其它粉混合完成
4. 用180度焗15-20分鐘（一口曲奇）,如size大啲要焗22-25分鐘
我用咗golden churn pure creamy butter..係印尼舖有得賣.....
d人話呢隻香d...整完聞落真係香d...不過食落既質感唔夠鬆...玉泉話佢同事整得好鬆嫁....=.=
可能我將罐嘢雪凍咗先整.....下次有機會試吓唔雪先...
仲有..唔知係咪雪凍咗整..太硬...唧爛咗幾個唧袋...連玉泉新買既布袋都爛埋....真係好傷....
ps. 由於時間關係..d餅星期日已經整咗...希望24號冇淋到la.....
今日收到草日老師寄嚟既聖誕咭...
有我最中意既奶油....
好靚呀~~~ >3<
My Xanga
5 則留言:
食咗喇~~真係唔夠鬆化~~係唔係唔夠牛油？？jenny嗰d一開係好香牛油味~~仲有就係我覺得原味同綠茶味有d怪~~係咖啡味最似jenny嗰d~~
我跟足食譜嫁....
但都唔知點解唔夠鬆..唉.....
怪....點怪呀...
綠茶味有d苦~~無咩綠茶香~~原味好似又鹹又甜咁
我覺得超好食!!!真架..好有置樂feel呀...正!我訂一盒呀,唔該!
比起上年既好食好多..係好好多!
我諗mc今年都會大讚,妳不如整一盒當做回禮比佢,呵呵~~~横掂我地搬個陣時掉左佢上年個盒曲奇XP......
我冇食過綠茶..因為得幾塊咋...可能我呢隻綠茶粉唔靚....
可能呢隻唔係無鹽牛油....所以又鹹又甜...= =
SALALA:多謝多謝....可能你未食過JENNY曲奇..你食過就講唔出..同埋你跟住個譜..一樣整到咁好食..haha....點解會有置樂feel 既???
大讚..我諗唔會掛..上年我都冇再整比佢食...同埋今年鴻安應該會整幾盒嚟..今年我哋未過期都唔好掉啦..haha
發佈留言