表哥結婚@珠海渡假村酒店

大姑姐十幾年前移民咗去加拿大.....
10月頭表哥係嗰邊聚老婆...
因為太遠..我哋去唔到呀.....
琴日去咗珠海擺酒...
我休咗下半過去飲....
我哋去咗中港城搭船過去..好快1個鐘咋....
但票價唔平...

表哥請咗女家嗰邊d親戚.....
順便請埋我哋啦....
佢哋擺咗5x圍...原來得4圍係男家咋...
d 女家真係多親戚朋友呀....

第一次返大陸飲呀...
d餸同香港都有D分別嫁...
唔知係咪同香港唔同..所以成晚密密食...
味道雖然唔係太好...但對比香港..
d 刀工真係好很掂......勁勁勁勁...

<男主家席西蘭花炒帶子>

<女主家席碟西蘭花炒帶子>

<我嗰席>
食飽飽....姑姐book咗酒店..
我哋係珠海住咗一晚....
佢book 嗰間叫海濱酒店..都ok...d嘢好新淨...
第一次同家姐住酒店..haha

第二朝同姑姐飲茶...順便食埋隻回門燒豬...
新鮮既燒豬真係好好味...正...
飲完茶都12點幾....
本身諗住行一陣先走...
佢哋話有間好平既超市叫"1+1"..
一包大珍珍都係4.5..超抵...
好想行..
但食完姑姐有朋友車我哋去搭大巴...
又唔好意思推....
所以冇行到.......
就係咁....開始返香港啦..
我哋1點3上大巴由珠海去深圳.....
落車竟然4點鐘....
激死.....係搭船既3倍時間.....
仲未計搭港鐵既時間..
下次都係咪搞...