執完位& 小玲生日~~

今日終於係公司執完位....
執完住之後發覺真係細咗.....
因為冇咗個靠山放嘢....
係時侯學吓黃小姐係出面砌返個陣先得...
唔係轉個身都唔得....
呢2日同d同事辛辛苦苦執好晒d位...希望d老闆滿意啦.....
呢頭執完...又要繼續去元朗博殺....
因為元朗未請夠人....
所以我哋落咗去幫手...連vicky 放假都返嚟...
真係唔話得呀....小儀負責煲茶,雯雯睇門口,毛毛負責入單....
我同ling 姐就行行企企....都係vicky 最勤力...
對上一次做侍應..已經幾年前...
其實耐唔耐做吓都幾好玩..
不過就辛苦囉....
我因為約咗人..幫咗2個鐘就閃...
佢哋仲要直落...唉....
呢幾日唔知會唔會瘦返幾磅呢...

跟住夜晚約咗同小玲慶祝生日...
clara介紹去旺角既魚米之尊.....
我哋食咗佢個私房菜.....
每位$125...
呢間嘢海產既菜式多....
佢個餐牌好特別....
冇突定煮咩..有咩靚就煮咩...今餐有蝦,有蟹,有魚又有雞.....
佢會因應人頭煮更多款既小菜...
人約多...小菜越多...最好係個份量會因應人數變大...好抵食呀
我哋10個人+2個b....計埋頭盤有成十幾碟餸.....
我食到有個傳菜經過都怕怕......
驚佢又放低碟嘢.....
雖然話多..但wendy 仍冇停口.....
到最後一碟仍然食到呀....勁...仲係唔覺飽嗰隻...
唔知係咪wendy 掛住湊b....用心又用力...搞到佢餓咗...haha
呢排好攰....成晚掛住食...都冇嘜出聲添.....
呢間嘢真係唔錯....生日訂枱仲有壽句仔送...掂呀