北上@南山

呢幾日老闆去旅行.......返工好free......
返工都冇mood....最好就係去吓旅行...
今日同d同事參加咗短線南山自由行豬仔團.....
今次冇咗個導遊, 第一站去到深圳灣口岸就出事,
唔見咗上一次搭既車......好在毛毛用咗流利既普通話問咗個疑似公安既哥哥仔..
跟住順利上咗架叫217既巴士, 搭3個站去到上次落車既地方,
仲平咗個半...每位成為1蚊.....

跟住去咗間叫勝記既酒樓食個午餐就開始我哋個行程.....
行同仁堂, 商場同書店....行咗2個幾鐘...繼續食.....
去咗LINGING 既最愛 "小肥羊"....
小肥羊真犀利, 話明係食羊, 但都吸引到D唔食羊既人慕名而來,
呀莎同毛毛都唔食羊..呀莎就最愛佢個肥羊粉....
毛毛就樣樣都話好食...即日成為小肥羊既粉絲.....
佢就話遲D再嚟.......不過小肥羊D嘢咁特別又好食,
其它食肆真係做唔到, 連平時唔食菜既毛毛都話皇帝菜好食, 仲叫多咗碟....
勁.........

今日叫咗...
肥羊---2碟
肥牛---1碟
即包豬肉餃子---1碟
蝦丸---1碟
凍豆腐---2碟
肥羊粉---2碟
蟹味菇(本菇)---1碟
白蘿蔔---1碟
炸腐皮---1碟
皇帝菜---2碟
鴛鴦鍋底

每位成為$58蚊....勁抵...臨走前毛毛望住隔離枱既"黃金大餅",ling姐又望住格離枱既"羊肉串",
好唔捨得咁......唔知幾時又上呢...

食飽飽繼續行街..去wall mark shopping..
今次個個都豐收, 抱住一袋二袋走, 最神奇就係連毛毛都有收獲...
我買咗pack 蒙牛特倫蘇,
香港賣6x --8包, 呢到只須55蚊就有12包...
勁底..



今次收獲:
特倫蘇12盒
同仁堂蜜糖3大樽
丘比果醬1樽
雞仔餅/曲奇1包

不過而家北上買嘢到到都唔派膠袋, 要自備購物袋,
因為咁呀莎d袋就係咁比我哋搶晒.....下次要記住帶......