mandy生日@siulam

今日同Mandy去咗小欖慶祝生日,
好耐冇同佢哋去超過....去咗小欖b.....
今日除咗同佢慶祝, 仲有另一個焦點....
就係"獅子座"朋友帶嚟既狗仔--波仔....
佢係一隻BB松鼠狗, 6個月大,

好好好好好好得意.....
又乖..一般D松鼠狗一向都好活躍, 成日吠人,
但佢就成日跟住主人, 當主人行開咗或食緊嘢就乖乖座係到.......
當主人企係相機隔離, 就乖乖咁望住鏡頭.........
佢今日就乖乖咁座係枱底....
既毛毛後又一次證明物似主人型啦...
不過獅子朋友屋企仲有隻惡貓,
真係好"鄧"波仔擔心....

今日仲整咗個芒果千層蛋糕......
又一次避開咗海棉蛋糕...
一唔使用成功率當堂高咗好多...
佢哋都話OK 喎....如果多D芒果仲好添......

芒果千層蛋糕




材料：
麵粉 160 克
砂糖 30 克
牛油 60 克
雞蛋 3 隻
牛奶 500 毫升
鹽少量
鮮忌廉 500 毫升+糖20克
芒果 4 個(或其他生果)

做法：
1.先將雞蛋拂勻，再加入麵粉、砂糖、鹽及牛奶拌勻
2.將麵糊漿過篩；
3.牛油座熱水溶，並加入麵粉漿中，以打蛋器攪勻；
4.倒入適量麵粉漿，用平底鑊煎成一片薄薄的餅皮；
5.將每一片餅皮放在蛋糕架上，放涼備用；
6.把鮮忌廉加糖以電動打蛋器打至忌廉狀；
7.芒果切粒備用；
8.用抹刀在餅皮上塗上一層忌廉；
9.於忌廉上放上芒果，再鋪上餅皮，重覆上述步驟直至用完所有餅皮。

網址係:http://www.leisure-cat.com/forum/viewtopic.php?t=37952&highlight=

我用呢個譜整咗2個..每個8層到....
不過我覺得呢個譜就油咗D....

另外, 因為MANDY 6月搬屋...
我哋買咗好多家居嘢比佢就禮物,
佢都好中意, 真係好呀...
Mandy話計劃緊去旅行,
我都好想去..唔知有冇d又平又好玩既地方呢.......要儲吓錢先得........