因為呢排公司埋數, 又要埋年結, 返工真係冇停過手, 放工又要去睇裝修d嘢..........返到屋企淨係想訓訓訓訓訓......
星期日約咗個c傅去睇傢俬, 順路上咗嘉峰睇吓裝成點..........
<-- 廚房
<--廳
<--廁所睇吓裝成點之餘, 順便睇吓隔d單位, 睇吓人哋點搞............哈哈..好似睇示範單位咁, 真搞笑...
嗰日上去舖咗磚, 同埋改晒喉同電制, 間屋真係靚咗好多ar......
對比格離d單位, 用返本應用既磚真係好大分別......
真係多謝晒玉泉個朋友....
嗰日同個c傅傾個廚櫃同傢俬d嘢, 佢幫我哋整廚櫃同廳嗰幾個櫃...
佢哋話係現場整會靚d同fit d, 唔使因為部life而規限d 傢俬既size, 同埋個位太大啦, 如果出去訂會好難買,
同埋佢用d料靚d, 全部六分板........不過價錢就好貴..........
而家諗緊整d咩款, 如果整個款靚d, 好似抵d咁..haha...
跟住約咗sharon 佢哋去大埔BBQ, 估唔到冼媽媽都有去, 真係好難得.........
第一次去呢到燒, 環境都ok, 佢哋話呢到最出名係d醃肉, 好正.....wendy 勁贊d牛扒好食.........
我哋叫咗個8人餐, 8個人食都夠食, 仲加埋包棉花糖, 好滿足ar.....
Q完去埋洗媽媽屋企睇bb女, 個半個月大, 今次似媽咪, 真好....
成晚眼仔look look, 勁cutie..
我哋個個輪住嚟抱bb 女, 不過有時都扭吓計,
唯獨呀ivan抱佢, 佢竟然勁乖, 全程望住ivan, haha 原來佢細細個就對異性有興趣...
本應諗住將其它傢c叫返之前搵開嗰間鑽石山間恒昌做, 點之佢話太好生意,
d 單太多, 已經截咗單, 最快都要3月中先搞得掂, 臨急臨忙, 都唔知點算好.............
早2日去咗屯門d傢俬舖睇, 諗住買現貨會趕得切啦.....
行行吓, 原來冇3尺同3.5尺既油壓牀賣.....
好擔心既同時,上咗屯門恒昌問問, 佢話新年前可以搞掂....
可以髮一口氣.........仲訂咗套衣櫃連書枱比呀玉泉, 因為佢間房好難搞.....
後尾計計個價錢, 屯門間恒昌竟然比鑽石山嗰間平,
我哋之前訂咁多嘢都收咁貴, 真係過份.......
今日有個消息話, 嘉峰嗰d煤氣爐好唔得, 因為佢擺得太耐,
開始有d壞壞地, 佢話如果過2年壞咗要換, 要拆磚又要郁個浴屏,
好麻煩, 唔知係咪壞壞地, 煤氣公司特別offer 個優惠比我哋..可以7折去買...
佢話買個恒溫爐, 話安全d同埋夠熱水d喎...不過就貴d啦....
又要買..唉...
今日搵到個網, d傢俬好平好平, 有d款吉豬島都有, 唔知得唔得呢....
網址: http://www.shinway.com/
My Xanga
沒有留言:
發佈留言