返大6睇傢俬......

今日同玉泉仲有玉泉個fd返大陸睇傢俬.....
因為要等個c傅嚟報價.....
所以成3點鐘先出去睇....又搞到12點先返屋企...
一上去去咗八掛路睇傢俬...
點之嗰邊係專賣裝修嘢.....
比我哋發現間專整廚具既專門店,
佢賣不锈鋼廚具, 佢哋話香港都冇得賣.....
仲有好多好多裝修既原材料....
價錢就同香港差唔多, 但質素就高好多...

跟住就去咗保安路睇傢俬,
首先去咗好百年,
成座都係高級嘢ar......
都係昅昅算la.......
跟住就去咗香江睇....
款式都ok多....仲有好多名牌既AA貨...
仲係要supersize 添....
閒閒哋都4-5尺牀...放完真係咩都唔使放....
好在有1-2間有得訂做....
不過就另計運費同安裝費...
都係計計數先.......

跟住去咗"東管"嗰邊食飯....
嗰邊有好多狗羊煲, 仲有嘢味食.....
嚇到我哋急急腳走.....
跟住搵到間湖南嘢....
第一次食..d嘢都幾有特色ar....

原來玉泉個fd 係個吹水王,
唔知係咪係佢嗰行, 所以特別多嘢講...
不過佢真係好出力幫我哋搞裝修...
好似仲緊過我哋咁.....
未見過佢真係唔知佢咁出力...
今日同佢行咗成日.....總算安心咗dd.....