2007年回顧

2007年話咁快又去到最後一日, 又係時候回顧吓.......
今年都冇嘜特別....同樣既工作同樣既生活仍然繼續我既學業........
原來我係呢間公司就快3年, d 嘢真係做到悶悶地ar.......
好在我有班好好既同事, 令沈悶既工作變得更加有趣....
如果有一日離開呢間公司真係唔捨得......
係上年度讀咗個課程, 今年終於讀晒, 可惜考嗰時衰咗...考2科先得一科合格.......
要繼續努力先得.......下年希望可以完成晒呢個課程啦......
係今年既年中同mandy 去咗旅行, 第一次去泰國...真係好好玩ar....
去旅行真係好開心, 唔知我幾時開始愛上去旅行, 希望跟住每1-2年都可以出去玩吓啦.......
係8月上咗個課程, 雖然好多人反對......但我係呢個課程好多得著...
仲認識咗一班新既朋友.....同埋搵返好多唔見咗好耐既嘢........
雖然我冇繼續完成跟住既課程, 但係呢個課程學到既嘢...我會繼續實踐........
上完呢個課程, 令我更加想試多d唔同既嘢同埋好多嘢都係自已爭取嫁........
係11月屋企做咗個好大既轉變, 就係買樓啦......
而家住嗰到已經住咗廿年啦.............雖然好唔捨得,
但唔買真係唔得....雖然呢個決定有d自私, 但都係為咗將來既生活更加好呢...

08年既希望......
希望可以完成個課程,努力搵錢繼續達成自已既願望....
跟住嗰年要開開心心, 想要既嘢快d得到...............
屋企人身體健康........屋企更加融洽...........