因為封揀樓信話星期二揀樓, 今日又去睇, 本應呀爹唔係好鍾意, 佢都出去睇, 諗住今次有望la......
去嗰時話點好點好, 返到屋企又講返初初講既問題.....
已經同佢講咗話唔買就唔好睇, 但佢一定要睇, 最後又係講返初初個問題!!!! 激死人.....
嘥時間, 嘥車費, 嘥精力.....
兩個家姐今日都要返工, 都特抽d時間去睇, 大家姐過2日仲要考試添, 如果唔買就早d 出聲, 唔係個個好似佢咁得閒嫁....
老咗唔好話冇人幫你供樓呀, 唔好話成日冇人探你, 唔好話間屋舊, 唔好"鵝"我, 你遲d 行唔到唔好煩我呀, 仲有唔好後悔呀!!!!!!!
跟住約咗毛毛, 小儀同域奇去踩冰, 第一次踩, 冇跌抵...yeah!!!!!!!
階因有2個高人"磅"住我同埋2個鐘都係痴住條邊行........
好奇怪, 踩冰應該涼浸浸, 但唔知點解我出晒大汗, 搞咩呀...
最行可以唔貼邊行到幾步, 不過毛毛話d步法唔啱喎, 同埋我冇放膽去玩....
睇嚟我有排都學唔識la...
不過d人溜冰真係好靚, 如果細細個呀媽比我去學就好la......
原來今日係毛毛既大日子, 我仲約咗佢出嚟添......毛毛下次早d出聲啦.....習慣咗既嘢好難改嫁,同埋承諾真係好重要..!!!!! 今日毛毛問咗我個問題, 其實就算呢件事唔發生, 我都會做嫁........
2 則留言:
好少見到妳咁好火喎!
講完係咪舒服曬呢?
其實妳呀爹到底有咩原因,要諗咁耐呢?
佢係咪住慣左屯門區,唔想搬出去市區呀?
年紀大係要時間去適應新生活......
葵葵冷靜D
你係時候飲返碗廿四味啦
再唔得就廿八味啦
發佈留言