放咗一日假之後, 今日忙足成日, 唔知點解今個月頭突別忙, 真係有d後悔昨天冇返工, 8號去旅行, 諗住今個月可以早D 出個月結, 但好多阻滯, 呢頭計完糧, 嗰頭又話要改糧, 啱啱計好d 貨單, 嗰頭MK又要出MEMO, 過2日又開股東會, 又開店長會, 今日掛住出份會議紀錄, 搞到毛利都未出........做到散晒呀....聽日下午又要同呀爹去覆診.... 諗吓有D 咩攞返屋企做先.......
今日收工約咗總倉人去同蘇小姐慶生日, 有蘇小姐,囡囡,呀權, 權嫂同呀倫, 好耐冇見呀....今日去咗NEWAY, 所以冇得睇PTU, 點之有得睇PTU真人版, 有差人嚟查牌, 佢哋查咗半個鐘有多, 查完之後neway又好鬼準時咁趕人走, 點之蛋糕都未食完就停晒歌, 搞到條氣好唔順呀, 最後座返夠本先走........
2 則留言:
咁唔好彩呀, 我去機舖就比人查牌查得多, 但去唱K好少比人查牌架喎...
慶祝生日, 但食cake就比人趕走, 真係掃慶呀!!!!!
最終你哋點樣坐番夠本呀???
真人版PTU靚唔靚仔呀???
係喎...我都係第一次比人查咋,冇比人趕既, 但次次生日去neway都自已走, 唔會比人趕嫁, 今次真掃興呀.....
冇呀, 我同囡囡出去囉嘢食, 一返嚟就cut 咗歌, 之後繼續座, 繼續食, 吹吓水咋.....佢唔趕未繼續座囉...
靚唔靚仔...冇嘜特別啦....
發佈留言