FREE LUNCH@海浪公園

因為早排放太多假, d 嘢做唔切, 所以星期日都返工, 10點鐘, 我哋得到神的打救, 終於有冷氣la.....正...唔知係咪今個月放得太多假, d 嘢成日都勁趕, 搞到今個月成日做錯嘢咁....真係要小心d....話者我個心仲未返嚟... 之後知道咗表弟一個消息, 真係好..如果真係佢要比心機la.....

今日淨係返咗半day..因為下午去食免費午餐.....去海浪公園.......大家姐個奶奶間公司包咗場, 有飛可以免費入去反.....free lunch 緊係去la...

今日成日都勁多人, 由搭車開始己經係, 搭車出去時, 知道有動漫展, 經過上次書展教訓 - 冇位座, 今次醒行去早2個站搭車, 點之我哋睇少咗動漫展既威力, 最後等咗3架車先上到, 仲要係冇位座添...... 下午會展有d大型活動都係要兜路......

佢公司好好book定ｄ巴士比員工搭，去到金鐘轉車入海浪公園, 又係打晒蛇餅, 見到咁既情況, 可想而知一間入去既情況...... 唉

聽講今日有5千個員工入咗嚟, 仲未計d遊客同本地遊, 唔怪得咁多人啦, 免費午餐的確係受歡迎d呀, 因為上年去過，今次去都唔係好期侍，最期侍都係盈盈同樂樂......

今日勁熱...入咗去一陣都出晒汗, 所以主要都係睇吓d館, 總之有冷氣就入, 行咗幾個鐘都係行咗4個館, 因為勁打蛇餅, 不論搭欖車或參觀, 最底消費半個鐘....之前去過d館, 所以都冇嘜特別.... 我哋大約7點到去到熊貓館, 有個館理員姐姐話盈盈樂樂將會係5分鐘後入房休息, 我哋嗰時先啱啱開始排, 仲要排50mins....雖然冇咗盈盈樂樂..但都有入去睇......不過就好失望... 入到去淨返1隻佳佳係到, 佢緊係成為焦點, 但佢照舊趴係到咩都唔理, 佢郁一郁個個都嘩晒....緊係啦排咗成粒鐘, 終於有d嘢睇吓喎, 第一次睇熊貓"尿尿"....佢"尿尿"完, 自已又入咗房休息....即係4個館都吉晒.......唉...不過佢哋都比人望咗成日, 一定好攰..休息都唔奇既...佢有個電視機直播4隻國寶係間房到做咩...點之有隻係到狂食...由入去至出去都係到食..(唔知呢係邊隻呢)...我哋即刻話.. 仲嘜唔出嚟食即..=.= 之後見到個新嘢, 七彩昇空氣球, 諗住玩...點之要排2個鐘, 都係算la....

去完之後就去睇海洋劇場, 由於今日係假日今日有5場表演, 另外仲加班開多咗場比d 員工睇, 總共有6場....... 雖然佢哋演咗咁多場, 但仍然好餓呀...佢哋今日一定好辛苦la..... 之前睇過一次, 雖然今次個內容一樣, 但仍然覺得好好睇呀........嘻.... 睇完就走la...走嗰時都差唔多成10點鐘....

一年冇去, 佢個分別唔係好大, 唔同既就係好多人食"free lunch"....我哋上次行咗半日, 今次又半日...上次行晒所有嘢..今次就行咗5-6個館........"free lunch"都唔係好好食, 仲有, 佢自從多咗2隻熊貓之後, 公園內多咗好多熊貓既裝飾, 聽講話個旋轉木馬都變埋熊貓添, 睇嚟就嚟要改名做熊貓公園.........