早幾年唔知係咪人太多, 所以通常畫一個公仔就算.....今年我醒咗.. 遲d先去, 等d人散咗d先開始排, 今年佢幫我簽咗2個靚名, 左邊就係奶油加樂樂係沙灘曬太陽...佢送多咗隻海獅比我...右邊就係我同我家姐既樣.......我去攞簽名時啱啱見到呀jade係隔離簽緊名, 相比之後, Jade d 粉絲真係好狂, 我哋呢邊就靜英英, 雖然呢邊好靜, 不過草日既粉絲咩都諗得出, 我見有個粉絲買咗件T, 佢叫草日畫多隻公仔上去...勁......之後我問草日出年可唔可以攞件白T比佢畫....佢竟然話好....話雖如此....如果要畫, 都係買佢D T 好D.....不過畫咗一定唔捨得著...草日老師真係好好人......
今年書展加咗價, 貴咗5蚊, 不過多咗幾個館, 但都冇行過....不過佢轉咗一樣好好既嘢就係佢舉行簽名會既地方有SOFA 坐, 正!!!!!!!!!! 行咗半日, 仲要企係到等真係好辛苦.....同埋佢多咗幾個館, 行落都唔係太迫, 今年買咗2本書新書
之後去田園買咗幾本書, 再去買咗幾本攝影書就走咗.....雖然行咗唔係好多嘢...但都行咗4個鐘, 如果要行, 行一日都唔夠.......
之後就返嚟食呀表姐嗰餐, 終於見到呀昱嵐, 好細粒, 好可愛........今日老豆最後自已去..佢唔肯搭的士, 仲要自已行去, 仲係冇攞拐杖, 真係比佢嚇死......好在冇事即..食完飯返屋企, 呀媽同行, 我哋都好醒咁一落去就截車搭的的返屋企, 唔係一定鵝足成個星期............
My Xanga
1 則留言:
葵葵你好，我都係一個草日 fans 啊,我同你同一時間去拎草日簽名啊,奶油+樂樂去玩水, 好正啊, 我都有隻猿人 x 熊貓, 哈哈
發佈留言