錢錢錢錢

繼去完旅行大出血之後, 聽日又去書展出血....呢排又有好多嘢想買...又想買防震相機又想買nds.....咁搞法....我就嚟貧血.......... 一向慳家既我..唔可以咁嫁..要取捨吓先得.....

今日dl返上一集既新聞透視睇, 佢講話而家香港人好鍾意打機, 不論老老嫰嫰, 一樣照打, 佢指出雖然打機可以減壓,仲可以識到好多機友, 但香港人其實休息既時間唔係好多, 仲要留返d時間嚟打機, 係唔太健康, 要比個腦休息吓先得, 我好認同, 可能返工唔算好閒, 如果放工都要攞住部嘢篤, 個腦真係冇得停, 都係d唔使用腦既嘢啱我多d........睇嚟我都係唔買nds 住啦.....

今日偷聽到老豆講電話, 舅母打嚟話星期五昱嵐擺滿月酒, 約咗呀爹4點幾就去打牌, 佢好似好期侍咁, 可能終於可以出獄, 不過星期五我唔得閒接佢去, 唔知點算好........