比人仔玩...

今日約咗d ive 同學仔去玩b 點之比人玩返, 呢個係劉太個人仔 - 焮焮, 方齡14個月, 我哋4個大人比佢一個玩, 玩完走嗰時我哋都勁攰, 而家d 小朋友真係好精力, 今次第二次見, 比佢上次見(半年前) 佢大咗好多呀, 仲好玩咗好多, 但唔知係咪我嚇佢, 一去到嗰嗰錫咗一啖, 但得佢唔肯錫我.. 諗住抱佢影返張合照, 一抱起佢.. 嚇到佢即刻搵劉太, 唔通我真係咁恐怖....嗚......不過好在後尾佢都冇咁驚我即, 我諗下次會好d......仲有, 原來santi同wendy 都係湊女高手, 成晚焮焮都玩到好開心呀, 不過wendy用既係反面教材, 劉太見到佢咁玩佢個女都叫佢唔好生.......



劉太同劉生好勤力, 咁快又追多咗個, 真係恭喜晒, 佢已經有五個月, 11月又多一個, 預產期係結婚嗰日, 真係"橋", 佢上一個既預產係佢生日嗰日, 唔通佢真係擇定日........呢排好似好多人生b咁, 既我表姐生完之後, 嚟緊識得有幾個人都會生.... 唔通政府既家庭計劃真係咁成功......定係自已真係老咗....