跌親.........

今日返返吓工, 家姐打嚟話呀爹整親, 佢踏單車既時候因天雨路滑跌親, 聽到都嚇一嚇.....不過今日要返學聽日先探到佢, 聽呀媽講話裂咗條大脾骨, 唔知嚴唔嚴重, 唔知有冇後遺症, 我老豆自失業後都日日有踏單車, 估唔到今次咁唔小心, 呀爹仲打電話嚟, 叫我睇實佢嗰幾隻心肝寶貝, 佢打嚟既同時仲聽到呀媽係隔離不停咁鬧, 慘慘慘, 經過今次, 呀爹應該會小心d, 呀媽話聽日要做手術, 做一做手術身體一定會差d ,唉唉唉.....今日諗返起上次呀爺又係踏單車跌親, 又係同一個位置, 最後行路都唔方便, 唔知呀爹會唔會咁, 不過呀爹個年紀就冇呀爺咁老, 希望佢快d 好.............呀爹咁多年以嚟都冇入過院, 唔知佢住得慣唔慣呢, 唔知瞓唔瞓得著呢, 唔知佢係醫院悶唔悶呢........