呢本書係我家姐中學既好友所畫, 佢02年不幸患上末期食道癌, 因為我家姐既好友好鍾意畫漫畫, 所以佢將佢既抗病歷程都記底, 呢排考試都唔係好得閒睇, 淨係睇吓個序, 但睇完都眼濕濕, 佢02年8月患上食道癌, 情況一向不樂觀, 但佢勇敢去對抗, 最後佢12月戰勝病魔, 點之, 病魔冇遠離佢, 佢04年3月復發, 雖然佢仍然好積極、樂觀咁面對, 但今次唔能夠戰勝病魔, 最後係12月離開...........
本身佢係諗住完成後會自已保存, 但佢家姐為咗完成佢既遺願, 佢最後聯絡到出版社, 自資印刷....
親情真係偉大, 雖然出版一本書並不容易, 但為完成妹妹既遺願, 更困難都做到...
成日聽到身邊既朋友同屋企關係唔到, 但有邊個父母會唔錫自己既子女......????
有都係得一個答案, 口不對心......
我哋要好好珍惜呀......
1 則留言:
我絕對同意世界無父母係唔愛錫子女既..
發佈留言