醉雞翼

今日星期日放假, 臨近校內試留咗係屋企溫書, 今日溫咗三課, 不過仲有十幾課死硬, 溫書真係好悶..好在家姐整咗嘢食提吓神即, 整咗芒果糯米滋同醉雞翼, 我家姐整緊係有返咁上下水準……yummy….佢個醉雞譜係佢同事比, 所以網上面搵唔到, 都幾好味, 各位有興趣就試吓la…..

醉雞雞翼尖/雞翼

1. 雞腎加少少酒和薑先烚4個字,要加雞翼尖, 再一起烚1-2個字(雞翼須烚25分鐘), 用冷水啤到凍,再用冰水浸至爽, 再用凍水沖先
2. 雞賢心片和雞翼尖一起涼乾水
3. 將雞翼尖先放在容器底部, 雞腎放面, 再加醉雞汁 (李x 記),約2枝, 鎮江醋大約1-2湯匙, 少許辣椒油 (隨意), 麻油 (隨意), 糖2茶匙, 紹興酒3-4湯匙
4. 然後放雪櫃半天, 調味料要浸過面, 想香o的可加多d 紹興酒

今日食完飯睇咗陣電視, 好似好耐冇睇咁, 蔡瀾有新節目, 好耐佢冇節目出,感覺仍然好好, 見佢個樣好似冇壓力咁, 開開心心又一日, 真係好……唔知點先可以好似佢咁…….

不日經過mero 見佢個shop close 咗.. 唔知咩事呢???