琴日終於搬咗屋, 一切順順利利, 真係可喜可賀.......
原先睇咗天文台預告, 話會有大雨, 驚落大雨, 影響到搬屋.....
點之琴日竟然冇落雨, 仲有太陽添......
所以搬得好順利.....
琴日搵咗毛毛推介既鴨記租咗架尾板車, 因為冇嘜重嘢,
得d雜物同一個櫃, 所以齋租尾板車,
呢間嘢唔錯, 好準時....態度都唔錯...唯一唔係好熟路..雖然我哋淨係包車, 但佢都有幫頭幫尾....
難怪呀爹呀媽一人醒咗大封利是仔過佢..... (其實係冇溝通比多咗封)
我哋今次齋租車就280 蚊, 不過諗唔到原來佢借比我哋每一樣嘢都收錢...
唧車, 拖板, 板車.....樣樣20蚊....另外我哋前後超咗15分鐘, 最後400蚊埋單.....
我到今次總共搬咗50箱嘢連2個櫃, 上車超10分鐘, 落車超5分鐘......
仲諗住會超好多, 好在呀叔同姨丈佢哋幫手, 真係唔該晒ar.....
呀姨丈同呀姨真係勁快手又熟手, 因為呀姨丈做過街車, 搬屋真係澎澎聲....
連個尾板搖控都搶埋嚟玩...
尾中不足就係有個櫃入唔到房, 我哋淨係掛住度吓放唔放得落,
冇度入唔入到房....因為隻房門太細, 入唔到.....
最後, 呀爹同呀叔夾手夾手腳拆咗再切返....好在都搞得掂....
今次搬屋, 我哋三姐妹同呀媽第一次做人蛇,
跟埋過嘉峰, 仲係入面亨受咗個早餐....
不過做人蛇真係唔係好好受....
呀c機已經兜d 平路, 但都.....
琴日買咗張書枱, 但冇現貨睇...
希望合心水啦.....
小葵葵空間
My Xanga
4 則留言:
坐係車尾重要食埋早餐
你真係唔怕暈車浪和~~
唔嘔都頭暈喇~~
下次唔好喇~~
重咁遠水路...
有咩意外就唔好喇~~
搬屋都可以咁開心,真係另人
羨慕...成家人發揮團結就是
力量既精神,將一件大事做好,
跟本就忘記咩叫做'倦'......
真係比個服字你哋,"屈蛇"既時候
都重可以食埋早餐,你重可以
用享受嚟形容,真係佩服...佩服,
不過要埋你亞娘一齊做人蛇,可以
是為不孝嫁......
點解葵葵成日都唔諗清楚就去買嘢既?
買書枱又係咁...
你嗰句「希望合心水啦」...真係睇到我O晒咀囉...=.=
小儀: 我都唔想嫁..冇時間呀...搬屋已經多嘢搬...一間暈咗要搬多件...
朋友仔:同屋企人一齊真係好開心嫁...前面留咗比d 親戚座呀....要佢哋幫手, 又要做埋人蛇, 唔係太好啦....
毛毛: 我都唔想嫁>.<....行咗幾間都柬唔啱ar....
發佈留言