花卉展2007

洋葵 - 2007年主題花

今日去咗07花卉展, 今日一早9點幾就起咗身... 見到個天落雨喎.......心諗唔係咁黑仔呀.. 好彩去到既時候冇落即....

今日搞吓搞吓2點先去到.. 都好冇咁熱….今日同我家姐同佢同事去影相… 有2個專業攝影師係到. .我緊係做呀四啦.. 幫我家姐囉嘢….今日仲要返學要抽埋搭note去.. 攰死人….. 唉……不過我都有囉部傻瓜機去.. 不過緊係差好遠la……

今日第一日開始.. D 花仲好靚呀.. 唔掛得咁多人LA….今次係花卉展, 睇咗好多唔同種類來自世界各地既花, 有好多都未見過, 有D好似毛毛咁…唔知咩花嚟呢.. 其實有D之前係街邊都見過, 但嚟到花展之後.. 即刻升級.. 個個爭住影…真奇怪...咁多花卉中.. 最靚都係個鬱金香海.. 真係好靚…..我即刻同佢影返幾張先....

除咗有花睇仲有好多嘢睇……例如,見到d 各式各樣既相機, 每10個有7個都囉住部大機, 仲有d 成尺長既鏡頭, 仲有好多未見過既相機, 為咗影靚相,D人咩都出齋.. 又噴水壺, 又腳架, 不過呢D 先叫專業….除咗相機又見到好多人囉d公仔去影相, 我見有人囉咗B女去影..惦呀.. 之後我家姐話唔記得帶小B女去影添

除咗影花,咩都可以影一餐, 例如一隻小蜜蜂或一滴水…. 可能呢D 就係『捕捉最自然一刻』, 不過呢D係最難影….我家姐影小蜜蜂影咗半個鐘.. 但好似都未有合心水..哈哈...毛毛如果你去又帶埋個FD 去,實會成為全場焦點!!!!!

影吓影吓就3個鐘, 影完之後佢哋係到傾話影得唔好..又唔夠立體, D 光線又唔夠, 話出年要帶埋閃光燈同腳架.. 又話要帶咩咩咩鏡頭喎.. 其實我覺得佢哋D 相好靚…專業真係專業..要求高D 呀………… 唔得我要學吓相先...

去完之後.. 想買返盆擺係公司添.. 但我又驚害死盆花.. 點好呢…..

各位有興趣, 可以係呢幾日去:

展覽地點: 香港維多利亞公園
展覽日期及時間: 2007年3月16日至25日﹝共十天﹞上午9時至晚上9時
主題花: 洋葵
入場費:成人 14 元
小童、學生、長者及殘疾人士 7 元
(星期一至五長者及殘疾人士免費參觀三十人或以上團體參觀，成人半價優惠)